Hizkuntza-aniztasuna sustatzeko sarea (NPLD) konstituzio-, eskualde- eta estatu txikietako hizkuntzak bere baitan hartzen dituen Europa osoko sarea da eta, Europa eleaniztunaren testuinguruan, hizkuntza-aniztasuna sustatzea du helburu.
Sarea 2007an sortu zen, hain zuzen ere Europako eremu urriko hizkuntzak garatzearen eta biziberritzearen alde lan egiten duten hainbat gobernutako hizkuntza-organoetako eta gobernuz kanpoko erakundeetako arduradunen artean egindako bileren ondorioz.
Sareak Europako Batzordearen Lifelong learning programatik diru-laguntza jaso zuen eta diru hori Europako konstituzio-, eskualde- eta estatu txikietako hizkuntzak sustatzen eta garatzen dituen plataformarik sendoena bihurtzeko erabili zuen.
Hortaz, sarearen xede nagusia, adin-tarte guztietan, hizkuntza-eleaniztasuna eta hizkuntza ikastea modu aktiboan sustatzeko ingurumari egokia sortzea da. Izan ere, Europan 50 milioi herritarrek, hau da biztanleriaren %10ek, hitz egiten dituzte hizkuntza horiek.