Is Líonra pan-Eorpach é an An Líonra um Chothú Éagsúlachta Teanga a chuimsíonn teangacha réigiúnacha, mionlaigh, dúchasacha, trasteorann agus mionteangacha náisiúnta chun éagsúlacht teanga a chothú i gcomhthéacs Eorpa ilteangaigh.
Bunaíodh i 2007 é i ndiaidh sraith cruinnithe idir boird éagsúla teanga ranna Rialtais agus Eagraíochtaí Neamh-Rialtasacha a shainfheidhmíonn ar fhorbairt agus ar athneartú teangacha neamhfhorleathana na hEorpa.
Tá maoiniú faighte ag an Líonra go dtí seo ó Chlár an Choimisiúin um Fhoghlaim Fadsaoil as a mbainfear úsáid chun é a bhunú go dlúth mar an phríomheagraíocht chun teangacha neamhfhorleathana na hEorpa a fhorbairt agus a chothú.
Is é an aidhm uileghabhálach ná timpeallacht a chruthú ina gcuirfí ilteangachas, éagsúlacht teanga agus foghlaim teanga chun cinn go gníomhach do gach aoisghrúpa mar go labhraíonn 50 milliún saoránach de chuid an AE, 10% de dhaonra an AE, teanga réigiúnach nó mionlach.