(Northern Sami)
Network to Promote Linguistic Diversity (NPLD) lea almmolaš eurohpálaš fierpmádat, mas leat ovddasteaddjit guovlo-, vehádat- ja álgoálbmotgielain sihke rájiid rasttildeaddji ja unnit našuvnnalaš gielain. Fierpmádaga ulbmilin lea ovddidit gielalaš riggodaga máŋggagielat Eurohpás.
Fierpmádat vuođđuduvvui jagi 2007 máŋggaid sierra virggálaš giellalávdegottiid ja ovttastusaid čoahkkimiid boađusin. Dát sierra giellajoavkkuid ovddasteaddji lávdegottiid ja ovttastusaid váldosuorgi lea Eurohpa unnit geavahuvvon gielaid ovddideapmi ja ealáskahttin.
Dán rádjai fierpmádat lea ožžon ruhtadeami Eurohpá komišuvnna Eallinagi bisti oahppama prográmmas (Lifelong Learning programm) ja áigu dan geavahit nannet iežas šaddat váldoorganisašuvdnan Eurohpá unnit geavahuvvon gielaid doarjumis ja ovddideamis.
Dan áigumuššan lea oaččuhit servodatlaš birrasa, mas máŋggagielatvuohta, gielalaš diversitehta ja giellaoahppan leat aktiivvalaččat dorjojuvvon buot ahkeluohkáin, go sullii 50 miljovnna EU riikkaorru, nappo 10 % olles EU:a olmmošlogus, hupmet guovlo- dehe vehádatgiela.